ഇരു വൃക്കകളും   തകരാറിലായ  കെ.എം. ജെ. പബ്ലിക്ക് സ്ക്കൂളിൽ എൽ.കെ.ജി.യിൽ പഠിക്കുന്ന അഭിറാം മനോജ്ന്  സ്വരൂപിച്ച തുക സ്ക്കൂൾ മാനേജർ ശ്രീ അബ്ദുൾ ഷുക്കൂർ കുട്ടിയുടെ ബന്ധുക്കൾക്ക് കൈമാറി

കാഞ്ഞിരമറ്റം കെ.എം. ജെ. പബ്ലിക്ക് സ്ക്കൂളിൽ എൽ.കെ.ജി.യിൽ പഠിക്കുന്ന അഭിറാം മനോജ് എന്ന കുട്ടി വൃക്കകൾ രണ്ടും തകരാറിലായി തിരുവനന്തപുരം SAT ഹോസ്പിറ്റലിൽ ഡയാലിസിസിന് വിധേയനായിക്കൊണ്ടിരിക്കുകയാണ്. കുട്ടിയുടെ അടിയന്തിരമായ ചികിത്സാ സഹായാർഥം ആദ്യപടിയായി കാഞ്ഞിരമറ്റം അൽ ഫരീദിയ ട്രസ്റ്റും കെ.എം. ജെ . പബ്ലിക്ക് സ്ക്കൂളും സ്വരൂപിച്ച തുക സ്ക്കൂൾ മാനേജർ ശ്രീ അബ്ദുൾ ഷുക്കൂർ കുട്ടിയുടെ ബന്ധുക്കൾക്ക് കൈമാറി. തദവസരത്തിൽ കുട്ടി താമസിക്കുന്ന ചെമ്പ് ഗ്രാമപഞ്ചായത്ത് നാലാം വാർഡ് മെമ്പർ ശ്രീമതി രമണി, അൽ ഫരീദിയ ചാരിറ്റബിൾ ട്രസ്റ്റ് സെക്രട്ടറി ശ്രീ . സലിം അലി,  സ്കീം മെമ്പർ ശ്രീ. ലത്തീഫ് വടക്കേപ്പീടികയിൽ, അഡ്മിനിസ്ട്രേറ്റർ ശ്രീ. അബൂബക്കർ , സ്ക്കൂൾ വൈസ് പ്രിൻസിപ്പാൾ , അധ്യാപകർ എന്നിവർ സന്നിഹിതരായിരുന്നു.