പത്തനംതിട്ട ജില്ലയിലെ അത്തിക്കയം സ്വദേശിയായ കര്ഷകൻ ജോസഫ് കെ എസ് ജനമിത്ര അവാർഡ് നേടി
പത്തനംതിട്ട ജില്ലയിലെ അത്തിക്കയം സ്വദേശിയായ കര്ഷകൻ *ജോസഫ് കെ എസ്*ജനമിത്ര അവാർഡ് നേടി. കലാ, സാംസ്കാരിക, സാമൂഹിക, കാർഷിക മേഖലകളിൽ മികവ് തെളിയിക്കുന്ന വ്യക്തിത്വങ്ങളെ ആദരിക്കുന്നതിനായി Dr. APJ Abdul Kalam Study Centre ഏർപ്പെടുത്തിയിരിക്കുന്ന പുരസ്കാരമാണ് ജനമിത്ര അവാർഡ്. കാർഷിക രംഗത്ത് നടത്തിയ സമഗ്ര സംഭാവനകളും സമൂഹമുഖിയായ പ്രവർത്തനങ്ങളും പരിഗണിച്ചാണ് അദ്ദേഹത്തെ പുരസ്കാരത്തിന് തെരഞ്ഞെടുത്തത്. ഡ്രാഗൺ ഫ്രൂട്ട് കൃഷി പ്രചരിപ്പിക്കുന്നതിലും പുതുതലമുറ കര്ഷകർക്ക് മാർഗനിർദേശങ്ങൾ നൽകുന്നതിലും കാഴ്ചവെച്ച സജീവ ഇടപെടലാണ് അവാർഡിനർഹനാക്കിയത്.
തിരുവനന്തപുരം നഗരത്തിലെ തിരുവനന്തപുരം മ്യൂസിയം ഓഡിറ്റോറിയത്തിൽ നടന്ന ചടങ്ങിൽ സംസ്ഥാന ഭക്ഷ്യ–സിവിൽ സപ്ലൈസ് വകുപ്പ് മന്ത്രി അഡ്വ. *ജി. ആർ. അനിൽ അവാർഡ് സമ്മാനിച്ചു. ചടങ്ങിൽ ഐ. ബി. സതീഷ്** എം.എൽ.എ, *വി. കെ. പ്രശാന്ത് എം.എൽ.എ, തിരുവനന്തപുരം നഗരസഭാ കൗൺസിലർ കരമന അജിത്ത് പാളയം ഇമാം വി. പി. സുഹൈബ് മൗലവി എന്നിവർ സന്നിഹിതരായി ആശംസകൾ നേർന്നു. വിവിധ സാമൂഹിക-സാംസ്കാരിക മേഖലകളിലെ പ്രമുഖരുടെ സാന്നിധ്യം ചടങ്ങിന് പ്രത്യേക ഭംഗി പകർന്നു.
കഴിഞ്ഞ ഒൻപത് വർഷമായി ഡ്രാഗൺ ഫ്രൂട്ട് കൃഷിയിൽ ശ്രദ്ധേയമായ മുന്നേറ്റം കൈവരിച്ചുവരുന്ന ജോസഫ് കെ എസ്, ശാസ്ത്രീയ കൃഷിരീതികളും നവീന സാങ്കേതിക വിദ്യകളും ഉപയോഗിച്ച് ഉയർന്ന നിലവാരത്തിലുള്ള ഉൽപ്പാദനം ഉറപ്പാക്കുന്നുണ്ട്. പ്രദേശത്തെ നിരവധി കര്ഷകർക്ക് കൃഷി പരിപാലന ഉപദേശങ്ങൾ നൽകുകയും തൈകൾ നട്ട് ഒരുക്കിക്കൊടുക്കുന്ന സേവനങ്ങളും നടത്തി വരുന്നു. തുടക്കക്കാരായ കര്ഷകർക്ക് പരിശീലനവും പ്രായോഗിക പിന്തുണയും നൽകുന്നതിലൂടെ ഡ്രാഗൺ ഫ്രൂട്ട് കൃഷിയെ ഒരു ലാഭകരമായ സംരംഭമാക്കി മാറ്റാൻ അദ്ദേഹം സഹായിച്ചിട്ടുണ്ട്.
വിളവെടുപ്പിന് ശേഷമുള്ള സംരക്ഷണത്തിനായി 15 ടൺ ശേഷിയുള്ള കോൾഡ് സ്റ്റോറേജ് സൗകര്യവും അദ്ദേഹം സജ്ജീകരിച്ചിട്ടുണ്ട്. ഇതുവഴി വിപണനത്തിലെ വിലത്തകർച്ച ഒഴിവാക്കുകയും കര്ഷകർക്ക് മെച്ചപ്പെട്ട വരുമാനം ഉറപ്പാക്കുകയും ചെയ്യുന്നു.
മൂല്യവർധിത ഉൽപ്പന്നങ്ങളിലൂടെ വിപണി വ്യാപനം ലക്ഷ്യമാക്കി “Jay Jay Naturals” എന്ന ബ്രാൻഡിന് കീഴിൽ ഡ്രാഗൺ ഫ്രൂട്ടിൽ നിന്നുള്ള ജാം, സ്ക്വാഷ് തുടങ്ങിയ ഉൽപ്പന്നങ്ങളുടെ നിർമ്മാണത്തിനും തുടക്കമിട്ടിട്ടുണ്ട്.
കൃഷിയെ സുസ്ഥിരവും ലാഭകരവുമായ ജീവിതമാർഗമായി സമൂഹത്തിൽ സ്ഥാപിക്കണമെന്ന ലക്ഷ്യത്തോടെ പ്രവർത്തിക്കുന്ന ജോസഫ് കെ എസ്, കാർഷിക മേഖലയിൽ പുതുമയും ആത്മവിശ്വാസവും വളർത്തുന്ന പ്രചോദനാത്മക വ്യക്തിത്വമായി മാറിക്കൊണ്ടിരിക്കുകയാണ്.
