*പഹൽഗാം ഭീകരാക്രമണം: മലയാളീസ് സ്വയം സഹായ സംഘം തിരിതെളിച്ച് അനുശോചിച്ചു.*

അരയൻകാവ്: കഴിഞ്ഞ ദിവസം ജമ്മു കാശ്മീരിലെ പഹൽഗാമിൽ ഉണ്ടായ ഭീകരാക്രമണത്തിൽ കൊല്ലപ്പെട്ടവർക്ക് മലയാളീസ് സ്വയം സഹായ സംഘം ആദരാഞ്ജലികൾ അർപ്പിച്ചു.

ഭീകരാക്രമണത്തിൽ ജീവൻ നഷ്ടപ്പെട്ടവരുടെ ഓർമയ്ക്കായി മലയാളീസ് സ്വയം സഹായ സംഘം അംഗങ്ങൾ മെഴുകുതിരികൾ തെളിയിച്ചു. ഈ ദുഃഖത്തിൽ പങ്കുചേരുന്നതായും, ഇരകളുടെ കുടുംബാംഗങ്ങൾക്ക് തങ്ങളുടെ അഗാധമായ അനുശോചനം അറിയിക്കുന്നതായും സംഘം പ്രസ്താവനയിൽ പറഞ്ഞു.

അക്രമം അങ്ങേയറ്റം അപലപനീയമാണെന്നും, ഇത്തരം സംഭവങ്ങൾ ആവർത്തിക്കാതിരിക്കാൻ അധികാരികൾ ശക്തമായ നടപടികൾ സ്വീകരിക്കണമെന്നും മലയാളീസ് യോഗം ആവശ്യപ്പെട്ടു. രാജ്യത്തിന്റെ ഐക്യത്തിനും സമാധാനത്തിനും വേണ്ടി എല്ലാവരും ഒരുമിച്ച് നിൽക്കേണ്ടത് അത്യാവശ്യമാണെന്നും സംഘം ഓർമ്മിപ്പിച്ചു.

അനുശോചന യോഗത്തിൽ മലയാളീസ് പ്രസിഡന്റ് മാഹിൻ കുന്നംകുളത്തിൽ അധ്യക്ഷത വഹിച്ചു. സുകുമാരൻ സി.ടി, ഷൗക്കത്ത് എ, ബെന്നി വേഴപ്പറമ്പിൽ , നൗഷാദ് കെ.എ, സജി എം.കെ, ഹൈദ്രോസ് എ.കെ, റെജി കാഞ്ഞിരത്തിങ്കൽ, നിസാർ കെ.എ, സാബു പി.ഒ, നഹാസ് കെ.എച്ച്, ഷറഫ് പുളിമൂട്ടിൽ എന്നിവർ സംസാരിച്ചു.

യോഗത്തിൽ പങ്കെടുത്തവർ ഒരു നിമിഷം മൗനം ആചരിച്ച് മരണപ്പെട്ടവർക്ക് ശ്രദ്ധാഞ്ജലി അർപ്പിച്ചു.