പൂത്തോട്ട ശ്രീനാരായണ വല്ലഭ ക്ഷേത്രത്തിൽ ഇനി ആന എഴുന്നള്ളിപ്പുണ്ടാകില്ല

കരിയും (ആന) കരിമരുന്നും വേണ്ടെന്ന ഗുരുവചനം ഉൾക്കൊണ്ട്, ഗുരുദേവൻ പ്രതിഷ്ഠ നിർവഹിച്ച പൂത്തോട്ട ശ്രീനാരായണവല്ലഭ ക്ഷേത്രത്തിൽ ഇക്കൊല്ലം മുതൽ ആനയെഴുന്നള്ളത്ത് അവസാനിപ്പിച്ച് രഥോത്സവമാക്കി. ​ മാർച്ച് 7, 8, 9 തീയതി​കളി​ലാണ് രഥത്തി​ന്റെ കന്നി​ എഴുന്നള്ളത്ത്. അടുത്ത വർഷം മുതൽ മൂന്ന് രഥങ്ങളുണ്ടാകും.ആദ്യ രഥോത്സവത്തിന് പാലക്കാട്ട് നിന്ന് രഥം വലിക്കുന്നവർ എത്തും. അടുത്തവർഷം മുതൽ പൂത്തോട്ടക്കാർ തന്നെ മൂന്നു രഥങ്ങളും വടംകെട്ടി​ വലിക്കും. മൂന്ന് ആനപ്പുറത്തായിരുന്നു ശ്രീനാരായണവല്ലഭന് എഴുന്നള്ളത്ത്. പ്രശസ്ത ശില്പി ഡാവിഞ്ചി സുരേഷിന്റെ സഹോദരൻ ഡാവിഞ്ചി ഉണ്ണികൃഷ്ണന്റെ നേതൃത്വത്തി​ൽ കൊടുങ്ങല്ലൂരിലെ പണിശാലയിലാണ് രഥനിർമ്മാണം. ചക്രങ്ങൾ ഉൾപ്പെടെ പൂർണമായും തേക്കിൽ. പൂത്തോട്ടയി​ൽ എത്തി​ച്ച് കൂട്ടി​യോജി​പ്പി​ക്കും.

ഉത്സവത്തിന് കരിമരുന്ന് പ്രയോഗവും ഉണ്ടാകില്ല. ഉത്സവങ്ങളില്‍ ആന ഇടഞ്ഞും വെടിക്കെട്ടിലുമൊക്കെയായി മനുഷ്യ ജീവന്‍ പൊലിയുന്നത് ഒഴിവാക്കുന്നതിനും കൂടിയാണ് ഈ തീരുമാനം.

പൂത്തോട്ട ശ്രീനാരായണ വല്ലഭ ക്ഷേത്രംഗു രുദേവൻ മൂന്നാമത് പ്രതി​ഷ്ഠ നി​ർവഹി​ച്ച ക്ഷേത്രമാണ്. 1893 ഫെബ്രുവരി​ 20ന് പ്രതി​ഷ്ഠയ്‌ക്ക് ശേഷം ശ്രീനാരായണ ഗുരു പറഞ്ഞത് ഇവി​ടെ വി​ദ്യാലയങ്ങൾ ഉണ്ടാകണമെന്നാണ്.