പ്രതിഭകളെ അനുമോദിച്ചു
—————————————————
വിവിധ മേഖലകളിൽ വ്യക്തിമുദ്ര പദിപ്പിച്ച പ്രതിഭകളെ പുരോഗമന കലാ സാഹിത്യ സംഘം ആമ്പല്ലൂർ പഞ്ചായത്ത്‌ കമ്മിറ്റിയും കൂട്ടം നാട്ടറിവ് പഠന കേന്ദ്രം അരയൻകാവും ചേർന്ന് അനുമോദിച്ചു.
Dr. ബി. ആർ. അംബേദ്കർ നാഷണൽ ഫെല്ലോഷിപ് അവാർഡ് ജേതാവും ബഹുമുഖ പ്രതിഭയുമായ ചന്ദ്രബോസ് അരയൻകാവ്, Dr. സി. പത്മനാഭൻ മെമ്മോറിയാൽ ഫൌണ്ടേഷൻ ഏർപ്പെടുത്തിയിട്ടുള്ള ജനപ്രിയ ഹോമിയോ ഡോക്ടർക്കുള്ള മൂന്നാമത് സംസ്‌ഥാന അവാർഡ് ജേതാവും എഴുത്തുകാരിയുമായ ഡോക്ടർ സലില മുല്ലൻ, വേൾഡ് സ്കേറ്റ് ഗെയിംസിൽ ഇന്ത്യയെ പ്രതിനിധീകരിച്ച് മാരത്തോൺ ഫിനിഷറിൽ സ്വർണ്ണമെഡൽ കരസ്‌ഥമാക്കിയ ( ഇന്ത്യയെ പ്രതിനിധീകരിക്കുന്ന ആദ്യ വനിതാ താരം ) കുമാരി എ. എ. അബ്ന എന്നിവർക്കുള്ള ഉപഹാര സമർപ്പണം ആമ്പല്ലൂർ ജനത സർവീസ് സഹകരണ ബാങ്ക് പ്രസിഡന്റ് ശ്രീ ടി കെ മോഹനൻ നിർവഹിച്ചു.
അനുമോദന സമ്മേളനത്തിന്തി മുന്നോടിയായി നടന്ന തിരുവാതിരകളി മത്സരത്തിൽ ഒന്നാം സമ്മാനം (₹ 5001/- ) നേടിയ ആമ്പല്ലൂർ എൻ എസ് എസ് വനിതാ വിങ്ങിന്റെ തപസ്യ , രണ്ടാം സമ്മാനം (₹ 3001/- )
നേടിയപ്ലാപ്പിള്ളി എൻ എസ് എസ് വനിതാ വിങ്ങിന്റെ ശ്രീ പാർവതി എന്നീ ഗ്രൂപ്പുകൾക്ക് മുളന്തുരുത്തി ബ്ലോക്ക് പഞ്ചായത്ത്‌ അംഗം ശ്രീമതി ജലജ മോഹനൻ സമ്മാന ദാനം നിർവഹിച്ചു. കൂട്ടം നാട്ടറിവ് പഠന കേന്ദ്രത്തിന്റെ പ്രസിഡന്റും സംഘടക സമിതി ചെയർമായ ശശി ആദ്യക്ഷത വഹിച്ചു. കൺവീനവർ ഉണ്ണി. എം. മന സ്വാഗതം ആശംസിച്ചു. കെ എ മുകുന്ദൻ, എസ്. ബി.ശ്രീജിത്ത്‌, കെ എം സുനിൽ തുടങ്ങിയവർ സംസാരിച്ചു.
