*കേരള പത്രപ്രവർത്തക അസോസിയേഷൻ എറണാകുളം ജില്ലാ കൺവെൻഷൻ വിപുലമായി നടന്നു.*

എറണാകുളം: കേരള പത്രപ്രവർത്തക അസോസിയേഷൻ എറണാകുളം ജില്ലാ കൺവെൻഷൻ കുന്നത്തുനാട് എംഎൽഎ അഡ്വ. പി വി ശ്രീനിജിൻ ഉൽഘാടനം ചെയ്തു. മാധ്യമപ്രവർത്തകർ നേരിടുന്ന വെല്ലുവിളികളെ കുറിച്ച് സംസാരിച്ച എംഎൽഎ വേദിയിൽ മുതിർന്ന മാധ്യമപ്രവർത്തകരെ പൊന്നാട അണിയിച്ചു. അതിരപ്പള്ളിയിൽ മസ്തിഷ്കത്തിന് പരിക്കേറ്റ കാട്ടാന മയക്കുവെടി ഏറ്റപ്പോൾ തളർന്ന് വീണ ആനയെ ചേർത്ത് പിടിച്ച ഏഴറ്റുമുഖം ഗണപതിയുടെ ചിത്രം പകർത്തി ജനഹൃദയം കവർന്ന ക്യാമറമാൻ ഫൈസൽ പി എയേ കുന്നത്തുനാട് എംഎൽഎ പൊന്നാട അണിയിച്ച് ആദരിച്ചു.

തുടർന്ന് നടന്ന പരിപാടിയിൽ KMJAയുടെ നേതൃത്വത്തിൽ 3 ലക്ഷം രൂപ വിലവരുന്ന വിവാഹ വസ്ത്രങ്ങൾ അൽ ഇഹ്സാൻ സൗജന്യ ഡ്രസ് ബാങ്കിന് കൈമാറി. തുടർന്ന് പ്രസ് കാർഡ് വിതരണ ഉൽഘടനവും എംഎൽഎ നിർവഹിച്ചു. പള്ളിക്കര മാർച്ചൻ്റ് അസ്സോസ്സിയേഷൻ ഹാളിൽ വെച്ച് നടന്ന പരിപാടിയിൽ ജില്ലാ വൈസ് പ്രസിഡൻ്റ് രാഹുൽ സി രാജ് സ്വാഗതം പറഞ്ഞു. ജില്ലാ പ്രസിഡൻ്റ് യു യു മുഹമ്മദ് കുഞ്ഞ് അധ്യക്ഷത വഹിച്ചു. തുടർന്ന് ജില്ലാ സെക്രട്ടറി സുമേഷ് കുട്ടൻ, സംസ്ഥാന പ്രസിഡൻ്റ് മധു കടുത്തുരുത്തി,സംസ്ഥാന വൈസ് പ്രസിഡൻ്റ് ബൈജു മേനാച്ചേരി, സംസ്ഥാന സെക്രട്ടറി സലിം മുഴിക്കൽ, സംസ്ഥാന ട്രഷറർ ബൈജു പെരുവ, മുൻ ജനറൽ സെക്രട്ടറി K K അബ്ദുള്ള, സംസ്ഥാന വൈസ് പ്രസിഡൻ്റ് ഉണ്ണികൃഷണൻ, സംസ്ഥാന വൈസ് പ്രസിഡൻ്റ് കണ്ണൻ പന്താവൂർ തുടങ്ങിയവർ സംസാരിച്ചു. ചടങ്ങിൽ ജില്ലാ ജോയിൻ്റ് സെക്രട്ടറി ഇബ്രൂ പെരിങ്ങാല നന്ദി പറഞ്ഞു.