വളരെയധികം സങ്കടം തോന്നി, വീടിന് ചോർച്ചയുണ്ടെന്ന് പറഞ്ഞത് പച്ചക്കള്ളം; രേണുവിനെതിരെ വെളുപ്പെടുത്തലുമായി ഗൃഹനിർമാതാക്കൾ – home builder firoz against renu sudhi
കൊല്ലം സുധിക്കായി കെച്ച്ഇഡിസി എന്ന കൂട്ടായ്മ നിർമിച്ചുകൊടുത്ത വീട് ചോരുന്നുവെന്ന രേണു സുധിയുടെ ആരോപണത്തിനു മറുപടിയുമായി കേരള ഹോം ഡിസൈൻ ഗ്രൂപ്പ് സ്ഥാപകനും വീട് വച്ചുനല്കാന് നേതൃത്വം വഹിച്ചയാളുമായ ഫിറോസ് രംഗത്ത്. മികച്ച കെട്ടുറപ്പില് പണിത വീടാണ് അതെന്നും രേണുവിന്റെ വിഡിയോ കണ്ടപ്പോൾ വളരെയധികം വിഷമം തോന്നിയെന്നും ഫെയ്സ്ബുക്കിൽ പങ്കുവെച്ച വീഡിയോയിലൂടെ ഫിറോസ് പറഞ്ഞു. കഴിഞ്ഞ ദിവസം ഒരു യൂട്യൂബ് ചാനലിനോട് വീട് കിട്ടിയത് വലിയകാര്യം തന്നെയാണെന്നും എന്നാൽ സംഘടന വെച്ചു നൽകിയ വീട് ചോരുന്നുണ്ടെന്ന ആരോപണവുമായി രേണു സുധി രംഗത്തെത്തിയിരുന്നു.
രേണുവിന്റെ വീഡിയോ കണ്ടപ്പോൾ വളരെയധികം സങ്കടം തോന്നി. എല്ലാ വർഷവും പാവപ്പെട്ട കുടുംബങ്ങള്ക്ക് ഓരോ വീട് ചെയ്തുകൊടുക്കാറുണ്ട്. അങ്ങനെ നിർമിച്ച വീടാണത്. ഏറ്റവും നല്ല ക്വാളിറ്റിയില് നല്ല ഗുണ നിലവാരത്തില് ചെയ്തുകൊടുത്ത വീടാണത്. വീടിന്റെ ഫ്രണ്ട് എലിവേഷന് നോക്കി കഴിഞ്ഞാല് ഒരു ബ്ലാക്ക് ലൂബേഴ്സ് വരുന്നുണ്ട്. അത് തന്നെ സൈഡിലും കൊടുത്തിട്ടുണ്ട്. ലൂബേഴ്സിന്റെ അവിടെ ഗ്യാപ്പുണ്ട്. ശക്തമായ കാറ്റും മഴയും ഉണ്ടാകുമ്പോള് അതുവഴി ചാറ്റല് അടിച്ച് അകത്തേക്ക് കയറും. അത് ഞാന് അംഗീകരിക്കുന്നു.
അതിനെയാണ് ചോർച്ച എന്ന രീതിയിൽ പറയുന്നത്. വീടിനു ഗുണനിലവാരം ഇല്ലെന്ന തരത്തലിണ് സോഷ്യല് മീഡിയ വഴി പ്രചരിക്കുന്നത്.’ ഫിറോസ് പറഞ്ഞു.
ഈ വീട് നിർമാണം കഴിഞ്ഞതിനു ശേഷവും അവർക്ക് ഒരു വർക്ക് ഏരിയ കൂടി ഉണ്ടാക്കിക്കൊടുക്കണം എന്നു പറഞ്ഞ് വിളിച്ചിരുന്നു. വീട് നിർമാണം തന്നെ പൂർത്തിയാക്കിയത് ഫണ്ട് തികയാതെയാണ്. ഇനി വർക്ക് ഏരിയയ്ക്ക് കൂടി ഫണ്ട് ഇല്ലെന്ന് പറഞ്ഞപ്പോള്, ഞങ്ങള് യൂട്യൂബേഴ്സിനെ വിളിച്ച്, ഇവിടെ വർക്ക് ഏരിയ ഇല്ലെന്ന് പറയും. അങ്ങനെ ആരെങ്കിലും ഉണ്ടാക്കി തന്നാല് നിങ്ങള്ക്കാണ് അതിന്റെ നാണക്കേട് എന്നായിരുന്നു രേണുവിന്റെ ഭീഷണി എന്നും ഫിറോസ് വ്യക്തമാക്കി.
