🛟 കുളങ്ങളിൽ സുരക്ഷ ഉറപ്പാക്കാൻ ആമ്പല്ലൂർ പഞ്ചായത്ത്….

ആമ്പല്ലൂർ ഗ്രാമപഞ്ചായത്തിലെ നിരവധി പൊതു കുളങ്ങളിൽ കുട്ടികൾ ഉൾപ്പെടെ നിരവധി പേർ നീന്തൽ പഠിക്കുന്നുണ്ട്. എന്നാൽ നീന്തൽ അറിയാത്ത കുട്ടികൾ പോലും കുളത്തിന്റെ ആഴമേറിയ ഭാഗങ്ങളിലേക്ക് ഇറങ്ങുകയും ചാടുകയും ചെയ്യുന്നത് പലപ്പോഴും അപകടങ്ങൾക്ക് കാരണമാകുന്നുണ്ട്.

ഇത്തരം സാഹചര്യങ്ങളിൽ വെള്ളത്തിൽ മുങ്ങിമരണം ഉൾപ്പെടെയുള്ള ദുരന്തങ്ങൾ ഒഴിവാക്കുക എന്നത് നമ്മുടെ എല്ലാവരുടെയും ഉത്തരവാദിത്വമാണ്.

ഇതിന്റെ ഭാഗമായി ആമ്പല്ലൂർ ഗ്രാമപഞ്ചായത്ത് ഭരണസമിതിയുടെ നേതൃത്വത്തിൽ ജനങ്ങൾ കൂടുതലായി ഉപയോഗിക്കുന്ന കുളങ്ങളിൽ ലൈഫ് ബോയ് ഉൾപ്പെടെയുള്ള ആവശ്യമായ സുരക്ഷാ ഉപകരണങ്ങൾ നൽകുന്ന ചടങ്ങ് അരയൻകാവ് പുതുവാതൃക്ക കുളത്തിൽ നീന്തൽ പഠിക്കുന്ന കുട്ടികൾക്ക് നൽകി ഉദ്ഘാടനം ചെയ്തു. വികസന സ്റ്റാൻഡിങ് കമ്മിറ്റി ചെയർമാൻ ശ്രീ എം കെ സുരേന്ദ്രൻ അധ്യക്ഷനായി, വൈസ് പ്രസിഡന്റ് ശ്രീമതി ഷീല സത്യൻസ്വാഗതം പറഞ്ഞു ആമ്പല്ലൂർ ഗ്രാമപഞ്ചായത്ത് പ്രസിഡന്റ് കെ ജി രഞ്ജിത്ത് ഉദ്ഘാടനം ചെയ്തു, മുളന്തുരുത്തി ഫയർഫോഴ്സ് സീനിയർ സേഫ്റ്റി ആൻഡ് റെസ്ക്യൂ ഓഫീസർ ശ്രീ ആർ. രാജേഷ്, ശ്രീമതി.അൻസാ സലീം എന്നിവർ സംസാരിച്ചു