കോച്ചേരീസ് സ്കൂൾ ഓഫ് ലോ  ക്യാമ്പസിന്റെ ശിലാസ്ഥാപനം നിർവഹിച്ചു; പുതിയ ബാച്ചിലേക്ക് അഡ്മിഷൻ ആരംഭിച്ചു.

കാഞ്ഞിരമറ്റം: കോച്ചേരീസ് സ്കൂൾ ഓഫ് ലോക്യാമ്പസിന്റെ ശിലാസ്ഥാപന ചടങ്ങ് വിദ്യാർത്ഥികൾ, അധ്യാപകർ, സാമൂഹിക പ്രവർത്തകർ, ആമ്പല്ലൂർ ഗ്രാമപഞ്ചായത്തിലെ ജനപ്രതിനിധികൾ, കോച്ചേരീസ് ഫൗണ്ടേഷൻ പ്രവർത്തകർ എന്നിവർ ചേർന്ന് നിർവഹിച്ചു.

സമൂഹത്തിന്റെ കൂട്ടായ പങ്കാളിത്തവും വിദ്യാഭ്യാസത്തോടുള്ള പ്രതിബദ്ധതയും ചടങ്ങിൽ പ്രതിഫലിച്ചു.

റവ. ഡോ. ബിജു ആന്റണി (പ്രിൻസിപ്പൽ-ഇൻ-ചാർജ്), ഡോ. സുരണ്യ എസ്. കുമാർ (വൈസ് പ്രിൻസിപ്പൽ), എലിസബ കുര്യൻ (അഡ്മിനിസ്ട്രേഷൻ & ലീഡർഷിപ്പ് വിഭാഗം മേധാവി), ഡോ. മുസ്തഫ അബൂബക്കർ (വിദ്യാർത്ഥി കാര്യ വിഭാഗം മേധാവി), ആമ്പല്ലൂർ ഗ്രാമപഞ്ചായത്ത് പ്രസിഡന്റ് രഞ്ജിത്, ആമ്പല്ലൂർ ഗ്രാമപഞ്ചായത്ത് മുൻ പ്രസിഡന്റ് ബിജു തോമസ്, എടക്കാട്ടുവയൽ ഗ്രാമപഞ്ചായത്ത് വൈസ് പ്രസിഡന്റ് കെ.ആർ. ജയകുമാർ, ഗ്രാമ പഞ്ചായത്തംഗം എം.എസ്.ഹമീദ് കുട്ടി. കാഞ്ഞിരമറ്റം ജമാഅത്ത് പ്രസിഡന്റ് അബ്ദുൽ സലാം, കാഞ്ഞിരമറ്റം മുസ്ലിം ജമാഅത്ത് സെക്രട്ടറി . ഷിഹാബ് കോട്ടയിൽ എന്നിവർ പങ്കെടുത്തു.

കോച്ചേരീസ് സ്കൂൾ ഓഫ് ലോയുടെ ശാശ്വത ക്യാമ്പസിന്റെ നിർമാണത്തിന് തുടക്കം കുറിച്ച ചടങ്ങ് സ്ഥാപനത്തിന്റെ വളർച്ചയിലേക്കുള്ള സുപ്രധാന ചുവടുവയ്പ്പായും സമൂഹവും വിദ്യാഭ്യാസ സ്ഥാപനവും കൈകോർക്കുന്ന മാതൃകാപരമായ സംരംഭമായും മാറി.

മഹാത്മാ ഗാന്ധി സർവകലാശാലയോട് അഫിലിയേറ്റ് ചെയ്തതും ബാർ കൗൺസിൽ ഓഫ് ഇന്ത്യയുടെ അംഗീകാരം നേടിയതുമായ കോച്ചേരീസ് സ്കൂൾ ഓഫ് ലോയിൽ 2026 ബി.എ. എൽ.എൽ.ബി. ബാച്ചിലേക്കുള്ള അഡ്മിഷൻ ആരംഭിച്ചു.